Bek Air ұшағының Алматы маңында апатқа ұшырауының төртінші нұсқасы пайда болды, деп хабарлайды VRK News.
Алматыдағы баспасөз конференциясында Bek Air ұшу қызметінің директоры Ерік Сапаров авиакатастрофаның ықтимал себебі ілеспе із деп аталатын құбылыс болуы мүмкін екенін айтты.
«Себептердің бірі ілеспе із болуы мүмкін. Ілеспе із әрқашан болады. Бұл — алдыңғы ұшақтан қалатын із. Ұшақтың қанат ұзындығы мен салмағы неғұрлым көп болса, оның «ілеспе ізі» де, сол ізінің келесі ұшаққа әсері де соғұрлым көп», — деді ол.
Ол Алматы — Нұр-Сұлтан рейсі ұшуынан бір минут бұрын салмағы 90 тонна басқа ұшақ көтерілгенін хабарлады. Апатқа ұшыраған Fokker 100 ұшағының өзі шамамен 40 тонна тартады. Алайда оның айтуынша, бұл ережені бұзбайды. Мұндай салмақтағы ұшақ басқа әуе кемесінен кейін бір минуттан соң ұша алады.
«Апаттан кейін аралықты 2-3 минутқа дейін ұлғайту керек екені анық», — деп мәлімдеді Bek Air-де.
Еске салайық, 27 желтоқсанда Алматыдан Нұр-Сұлтанға ұшқан 93 жолаушысы бар Bek Air ұшағы радардан жоғалып, шұғыл қонған кезде Алматы аэродромының ұшу-қону жолағы маңындағы жеке құрылысқа соғылды. Борттағы 93 жолаушы және экипаждың бес мүшесі болды. Апаттың салдарынан 12 адам қаза тауып, 49 адам зардап шекті.
Жолаушылар мен қаза тапқандардың тізімі мына жерде жарияланды.
Қазақстанда 28 желтоқсан ұлттық аза тұту күні деп жарияланды.
ҚР Президентінің тапсырмасымен үкіметтік комиссия құрылды оны Премьер-министр Асқар Мамин басқарады.
