Алматы қылмыстық полиция басқармасының бастығы Жанболат Зиадин қызметтік тексеру кезеңіне жұмыстан шеттетілді, деп хабарлайды VRK News.
Қала полициясының баспасөз қызметі Алматы блокпосттарынан кедергісіз әрі заңсыз өткен кортеждің барлық қатысушылары ұсталып, жауапқа тартылғанын (негізінен 15 тәулікке дейін қамауға алынды) мәлімдеді.
Дастарқан басында болған Алматы қылмыстық полициясының бастығы Жанболат Зиадинге қатысты жеке түсіндірме берілді.
«Осы кортеждің блокпостан кедергісіз өтуіне қатысты Өзіндік қауіпсіздік басқармасы тексеру жүргізіп жатыр. Дастарқан басында болған қылмыстық полиция басқармасының бастығы Жанболат Зиадин қызметтік тексеру кезеңіне жұмыстан шеттетілді. Осы оқиғаға принципті баға беріледі», — деді Алматы полиция департаментінің бастығы, полиция полковнигі Қанат Таймерденов.
Еске салайық, әлеуметтік желіде люкс автокөліктермен бір топ адам Алматы блокпосттарынан кедергісіз өтіп, кейін кортеж қатысушылары отбасылық оқиғаға байланысты үйдегі дастарқанға қатысқан бейне пайда болды. Оның үстіне бейне авторы оқиғаның қатысушысы болған және бейнені әлеуметтік желінің бірінде өз бетінде жариялаған. Кейін бұл бет жойылды.
Кейінірек әлеуметтік желіде блокпостан кортежбен өткен «алтын жастар» Алматы облысы полиция департаментінің бастығы генерал-майор Серік Құдебаевтың туысы екені туралы ақпарат пайда болды. Олар генералдың немересінің дүниеге келуіне орай ұйымдастырылған тойға Алматыға барған деседі. Алайда облыстық полицияның баспасөз қызметі бұл ақпаратты шындыққа жанаспайтын деп атады.
Сондай-ақ полицияның порталында полицияның люкс автокөліктерді айып тұрағына алып кеткені, оған қоса блокпосттардан «өткендердің» кешірім сұраған бейнежазбасы да енгізілген бейне пайда болды.
