Малайзияда унитазда отырып телефонмен ойнап отырған ер адамның бөксесін жылан шағып алды, деп хабарлайды VRKNews.kz.
Унитаздан атып тұрған 28 жастағы Сабри Тазали бөксесіне қатты жабысып қалған питонды бірден жұлып ала алмады. Бұл өмір бойына ұмытылмайтын әсер.
«Екі ай бұрын бөксемді жылан шағып алды», — деп жазды Сабри Twitter-де малай тілінде.
The Star басылымының айтуынша, оқиға 28 наурызда болған. Сабри Тазали дәретханада отырып ұялы телефонмен ойнап отырғанда кенет ауырсынуды сезді: ол тез секіріп тұрып, бөксесінен жылан салбырап тұрғанын көрді. Тазали үрейленіп, оны өзінен жұлып алып, қабырғаға лақтырды да, есікті тура теуіп ашып, дәретханадан жүгіріп шықты. Көп ұзамай оқиға орнына құтқарушылар келіп, бауырымен жорғалаушыны алып кетті, ол улы емес питон болып шықты.
Сабри Тазалидің өзі ауруханаға барды, онда оған сіреспеге қарсы укол салынды. Ер адам болған жайтты әлеуметтік желіде айтып берді. Ол жарасында жыландың тістері де қалып қойғанын, қорыққан Тазали питонды тым қатты тартқандықтан, тістері сынғанын хабарлады.
Өз тәжірибесімен алғаш рет Twitter аккаунты арқылы бөліскен Сабри, оның отбасы 40 жыл тұрып келе жатқан тұрғын ауданында мұндай оқиға алғаш рет болғанын айтты.
Отбасы унитазды ауыстырды, бордо түстісінің орнына ақ түстісін таңдады, ваннаның есігі де ауыстырылды.
Алғашқы шоктан есін жиып, ол екі апта бойы көрші мешіттің дәретханасын пайдаланды.
Өткен жексенбіде өз оқиғасын алғаш жариялағаннан бері Сабридің твиті 2000-нан астам ретвит пен лайк жинады.
Dua bulan lepas bontot aku kena gigit dengan ular time aku berak. Ular tu keluar dari lubang jamban. Nasib dia tak gigit telur aku. pic.twitter.com/ABDjDkSe2Q
— Sabri Bey (@sabritazali) May 22, 2022
