Қазақстан Президенті Қасым-Жомарт Тоқаев жаңа өкілеттіктер алып, қалалардың құрылымын өзгерте алады. Мұндай нормалар, VRK News хабарлағандай, парламентте мақұлданған «Әкімшілік-аумақтық құрылыс туралы» заңда көзделген.
Заң бүгін, 4 желтоқсанда ҚР Парламенті Сенатының пленарлық отырысында қабылданды.
Атап айтқанда, заң мемлекет басшысына халқының саны 400 мыңнан асатын облыстық маңызы бар қалада, республикалық маңызы бар қалада, астанада аудан құру туралы жарлықтар шығаруға мүмкіндік береді.
Сонымен қатар, заң республикалық, облыстық және аудандық маңызы бар қалаларды өзге елді мекендерге айналдыру жөніндегі шешімдерді Үкіметтің ұсынуымен және жергілікті өкілді және атқарушы органдардың пікірін ескере отырып қабылдауға рұқсат етеді.
Бұдан басқа, заң үкіметке республикалық, облыстық және аудандық маңызы бар қалаларды өзге елді мекендерге айналдыру туралы Қазақстан Президентіне ұсыныс енгізуге рұқсат етеді.
