Қазақстанның оқу орындарының қабырғасында мектеп оқушылары мен студенттердің гаджеттерді еркін пайдалануына тыйым салуға жиналып жатыр, деп хабарлайды VRK News.
Бұл мәселе қазірдің өзінде Қазақстанның білім және ғылым министрлігінде қарастырылуда.
Үкіметтің «Ашық НҚА» сайтында ҚР білім министрі Асхат Аймағамбетовтың «Білім беру ұйымдарына және олардың аумағына әкелуге тыйым салынған, пайдалануға шектеу қойылған заттар мен заттектердің тізбесін бекіту туралы» бұйрығының жобасы жарияланды.
Осы құжатты жария талқылау 25 қаңтарға дейін жалғасады.
Бірінші тармақта (оқу орындарының аумағына әкелуге толықтай тыйым салынған) барлық түрлі қауіпті заттар көрсетілген, олардың ішінде барлық түрдегі қару және қаруға ұқсас заттар, оның ішінде оқ-дәрілер, жарылғыш, тез тұтанатын, химиялық және улы заттар бар.
Екінші тармақта білім беру ұйымдарында және олардың аумағында пайдалануға шектеу қойылған заттар мен заттектер аталады.
Мысалы, ақпарат тасымалдау функциялары бар кез келген мобильді байланыс құралдарын (пейджер, ұялы телефондар, планшеттер, iPad (айпад), iPod (айпод), SmartPhone (смартфон), ноутбуктер, плейерлер, модемдер (мобильді роутерлер) оқу-тәрбие процесінде педагогтың рұқсатымен пайдаланылатын жағдайларды қоспағанда, еркін пайдалануға тыйым салынады.
Сондай-ақ радиоэлектрондық байланыстың кез келген түрлерін (Wi-Fi (вай-фай), Bluetooth (блютуз), Dect (дект), 3G (3 джи), 4G (4 джи), 5G (5 джи) пайдалануды шектеу жоспарлануда. Алдын ала тізімге смарт-сағаттар мен құлаққаптар (сымды және сымсыз) да енген.
